Presidenti i Republikës së Shqipërisë, Bajram Begaj ka pritur këtë premte në ambientet e Presidencës, zv.presidenten bullgare, Iliana Iotova.
Gjatë takimit, Begaj vlerësoi bashkëpunimin shumë të mirë mes dy vendeve, në një vit që përkon me 110-vjetorin e vendosjes së marrëdhënieve diplomatike mes Shqipërisë dhe Bullgarisë.
Kreu i shtetit theksoi se vizitat e nivelit të lartë që dy vendet kanë shkëmbyer vitet e fundit duhet të vijojnë edhe më tej në funksion të thellimit të bashkëpunimit në të gjitha sferat me interes të ndërsjellë.
Begaj vlerësoi mbështetjen e Bullgarisë në kuadër të integrimit evropian të Shqipërisë, si dhe e konsideroi Bullgarinë një partnere ekonomike të rëndësishme. Sipas Kreut të Shtetit duhet të shfrytëzohen mundësitë e shumta që kanë dy vendet për të forcuar më tej këtë partneritet.
Gjithashtu, Begaj vlerësoi mbështetjen e vazhdueshme të Bullgarisë në drejtim të Republikës së Kosovës si një garanci më shumë për stabilitetin dhe progresin e Ballkanit Perëndimor./Abcnews
Aksident trafiku në Vranjevc e pranishme edhe ambulanca
Nobeli për Fizikë u ndahet themeltarëve të inteligjencës art...
Maqedonci pret në takim lamtumirës komandantin e KFOR-it
Disa banorë në Dibër përfundojnë në spital me shenja helmimi...
Harris: Irani është kundërshtari më i madh i SHBA-së
Hovenier i kënaqur që Qeveria hoqi masën për mallrat që hyjn...